Эм судлалын үйлдэл: Бэлдмэл нь бөөрний түүдгэнцэр сувганцрын хучуур эсийн гэмтэл, үрэвсэл, үхжлийг багасгах, дистрофийг бууруулах, электролитийн солилцоог хэвийн болгох, шээсний ялгаралтыг ихэсгэж хаван бууруулах, хордлого тайлах, бөөрний гаралтай даралт ихсэлтийг багасгах үйлдэл тус тус үзүүлнэ. Уг бэлдмэлийн найрлага дахь нийлбэр флавниод нь антиоксидант, мембран бэхжүүлэх дархлаа зохицуулах, өөртөө харших урвалыг дарангуйлах үйлдлийн механизмаар цусны сийвэн болон бөөрний эдэд хуримтлагдсан хэм исэлдэлтийн хорт бүтээгдэхүүнийг багасгаж азотын хортой бүтээгдэхүүн мочевин, креатинин болон дархан бүрдлийг бие махбодоос зайлуулна.
Хэрэглэх заалт: Бөөрний цочмог болон архаг үрэвсэл, хурц болон архаг явцтай гломерулонефрит, пиелонефрит, бөөр шээсний замын бусад үрэвсэлт өвчин, бөөрний эдийн цусан хангамжийн дутагдал, бөөрний гаралтай цусны даралт ихсэх, хавагнах хам шинж, шээсний ялгаралт буурч өнгө үнэр өөрчлөгдөх, уур ихтэй хордлогот байдлын үед тус тус хэрэглэнэ.